مديرة مدرسة تتزوج زوج زميلتها

مديرة مدرسة تزوجت زوج إحدى مدرسات مدرستها

تدور القصة حول مديرة مدرسة عزباء غابت عن المدرسة يومين

ولما رجعت لمدرستها قابلوها المدرسات : سلامات وينك يامديرة ؟

قالت : باركولي تزوجت

قالوا : مبروك يامديرة ولكن منهو زوجك ؟

قالت: بصراحة زوجي هو زوج إحداكن !!

كل واحدة منهم عيونها كبرت
وزادت دقات قلوبهم
فقالوا المدرسات: تكفين علمينا أي وحدة منا ؟

قالت المديرة والله ما أعلمكم

المهم لزمن عليها فقالت أنا منيب متكلمة...
ولكن اللي تبي تعرف هل هو زوجها وإلا لا

تجيب بكرا معها خمسمية ريال وإذا جت توقع على الحضور الصباحي تحط الخمسمية على الطاولة

واللي آخذ خمسميتها فهي مهو زوجها

واللي أخلي خمسميتها على الطاولة ولا آخذها فهو زوجها

لأنه عيب علي أتزوج زوجها وآخذ بعد منها خمسمية ريال

وافقن المدرسات على الطريقة

ويوم جاء ثاني يوم... كل وحدة مزهبه معها الدراهم

جت الأوله والثانية والثالثة والرابعة حتى العاشرة والمديرة تاخذ الدراهم

يوم جت المدرسة الـ 11 وبدت المديرة تأفف .. المهم حطت الدراهم على الطاولة

وقالت لها تكفين خذيها يالمديرة قالت

المديرة اعذريني قالت المدرسة كأنها قليلة حطيت ألف بدل الخمسمية

قالت المديرة أووووووووووووه معليش أثرك أنتي جواهر

والله إني آسفه غلطت يوم تنفست المدرسة وقالت الحمد لله يعني بتاخذين الفلوس

المهم أخذتها المديرة

ودخلن بقية المدرسات حتى الـ 23 والمديرة تلعب بأعصاب كل وحده

وفي النهاية تاخذ الخمسمية

المهم بقي مدرسة وحدة فقط ماجت .....
يوم اتصلن عليها المدرسات هاه وينك ياأستاذه

قالت والله اني تعبانه وماني جايه

قالت المدرسة الغايبة : هاه من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات

( يلعبن عليها بس يبونها تجي عشان يتطمنون إنها هي لأنه مابقى إلا هي )

وقالن المدرسات لازم تجين تكفين

المهم جت تسحب رجليها بالقوة ويوم جت تدخل المدرسات كل وحده مبسوطة أنها مهي هي

وبدن يسمن على المدرسة الـ 24 عشان ماتنصدم

دخلت المدرسة الأخيرة غرفة المديرة وحطن باقي المدرسات أيديهن على قلوبهن

وحطت المدرسة الخمسمية على الطاولة وضفتها المديرة

يوم طلعت لقنها عادية وما صار شي وفلوسها أخذتها المديرة

قالن يابنات فيه وحده منكن ماخذت المديرة دراهمها ؟

قالن لا والله كلنا أخذت دراهمنا

ودخلن المدرسات على المديرة وقالن أخذتي الفلوس من كل المدرسات تلعبين علينا

!! منهو زوجك !!

قالت المديرة المهم الدراهم ( 12000 ريال ) ماراح ترجع

وأنا والله لا تزوجت ولاشي لين الحين عزوبية ووالله كنت مريضة هاليومين

ولكني اطلبككن قبل شهر تدفعن على مية ريال نصلح المصلى

ولا وحدة منكن دفعت .. قلت والله لأدفعكن 500 ريال

نصلح المصلى ونشتري مصاحف وقف للمسجد

قالن المدرسات الله يبرد قلبك بالعافية فداك الدراهم ولو تبين زود عطيناك

هو صدق بس رجالنا ماتزوجوا علينا

مايستفاد من القصة

1- المرأة تدفع فلوس الدنيا كلها ولا يتزوج زوجها عليها

2- المدير الناجح هو من يفكر في عمل مفيد إجتماعياً ويستطيع فرضه بإقناع

3- عمل الخير موجود في النفس المسلمة ولكن يحتاج إلى إيقاظ في بعض الأوقات

4- من واجبات مدراء ومديرات المدارس والمدرسين الاهتمام بالمصليات

5- القصة لاتعني الانتقاص بأي شكل من قدر واحترام المرأة

مشكوووووووووور

تحياتي,,,,,,,,,,,,
الفرعون

شكرا على موضوعك لأنه يدعو إلى إحياء الأخلاق الاسلامية

مشكووووووووووووور

تحياتي......
أهلاوي باشا

مشكور

ما قصرت

الشكر كل الشكر على هذا الموضوع

ارجو ان تكون دائما الى الامام

$القنصل الصغير$