انسانيه لمن له قلب
تحية حب أرسلها لكم يا معشر الأخيار
إلى الآباء من نظمي على أسمى معانيها
حملتم بالثقيل هموم في درب الوفا إكبار
رسمتم في سطور المجد للغادي مباديها
عليكم يرتكن منهو يقاسي لوعة الأقدار
وفي رب العلا داعي يناجي اليوم واليها
وفيكم تعتلي دارٍ عليها شامخ الأسوار
بعزم ٍ يا ولاة الأمر شيّدتم مبانيها
ولو أذكر من الأفعال يوقف خاطري محتار
حروفي ما توفيكم ولو طالت مراميها
ولكن شدني حرفي وعيني تلحظ الاصرار
بطفل ٍ ما قوى يفهم وش اللي ما قوى فيها
إلى (متلازمة دوان) عساني ألفت الأنظار
وليت الدنيا تسمعني وانا أشرح مآسيها
غدت أرواحنا تبكي تشوف المشتكين صغار
وبعض الناس يا حسره حسافه لو تناديها
كتبنا للملا عنهم تناقلنا على الاخبار
بغينا كل أم وأب يسمع عن خوافيها
إرادة ربنا تقضي بحكمه كلها أسرار
وسبحان الذي أمره بقاصيها ودانيها
وكم يا ناس من علة وليده يعلن الادبار
وينسى واجباته اللي توارت في طواريها
وكم نسمع من اللي صار تسبق قوله الاعذار
وكنّه ما رضى يحمل على الحسره دواعيها
وشوف المجتمع والناس يا حسره وش اللي صار
على ما نترك الاكباد للاحزان نرميها
وشوف الطفل ما يقدر يقول وفي حشاه النار
وما يقوى على شكوى جروح اللي يعانيها
ولكن اسمعوا مني ودام الدار جنب الدار
وحق الجار من جاره نصيحة حب يهديها
واناأهديت من نظمي حروف الحب في تذكار
عسى أهل العقول اليوم تسمع وش يداويها
علاجه في اياديكم بسيط وما يبي استثمار
ويتركز على أزكى معاني الحب راجيها
على البسمه الحنونه اللي تداوي لهفة المحتار
على حضن الحنان اللي طفلكم يرتمي فيها
وتكفى لا ترد ابنك اذا يطلبك او يختار
وتكفى وانت رب الدار راعيها وحاميها
عسى ربي يصون ابنك ويبعد عنه الاخطار
وجل الخالق الرحمن لي بالخلق هاديها
مصير ابنك يصير بيوم واثق يسلك المشوار
وكنّ اللي طراه بيوم أضحى بين ماضيها
وباختم بالصلاه قولي لسيد الخلق والاخيار
محمد ابن عبدالله هادي الناس داعيها
---- للشاعر اليمنى علي الحزمي -----
7/11/2007, 2:05 am
