الامثال الشعبيه الفلسطينيه

بسم الله الرحمن الرحيم

مرحبا اعضاء المنتدى الغاليين ..........اليوم جايبتلكم موضوع بيشمل امثال شعبية فلسطينية
ستاتنا واسيادنا خرفونا اياهن عشان نبقى على تراثنا ونعرف اصلنا
ورايح اكتب الامثال باللهجة الفلسطينية

- جوا الدار قردة وبرا الدار وردة

- طبخته على النار وعينه على طبخة الجار

-قلل طعامك تحمد منامك

-نام دافي بتقوم متعافي

-بعد المعروف ضرب كفوف

-ما يعلم حالك الا ربك وجارك

-الانسان بالمحضر ومش بالمنظر

-باع عمارة واشترى حمارة

-الدار دار ابونا واجوا الغربية طحونا

-من خان صديقه احترم عدوه

-من عذب لسانه كثر إخوانه

-ان غاب القط العب يا فار

-حط العدس وانفخ تحته ما اعطل من الخال الا ابن اخته

-العز لرز والبرغل شنق حاله

-صار للشرشوحة مرجوحة وصارت تحلف بالطلاق

-ضرب الحبيب زبيب وحجارته قطين

-دلع ابنك بيرضيك دلع بنتك بتخزيك

-في قلبي صدى ما بحبش حدى

-من طلب العلا سهر الليالي ومن حشى الكوسا لف الدوالي

-طب البريق على ثمه بيطلع الولد لامه

-طب الجرة على ثمها بتطلع البنت لامها

-القرد في عين امه غزال

-ديك يوم ولا سنة فرخة

-طخه وصيبه وقول نصيبه

-ان ضحكت يوما تبكي سنة

-اجريها عوج بدها بابوج

--جبناك يا عبد المعين تتعين اطلعت يا عبد المعين بدك تنعان

-احترنا يا قرعة من وين بدنا انبوسك

-انا واخوي على ابن عمه وابن عمه والغريب

-خاف من عدوك مرة ومن صديقك الف مرة

-ما اقدرش لحماته قام لمراته

-الطبخة اذا كثره طبخينها بتخرب

-المعدلة ابتطبخ قروش واللي حواليها بدوش

-حامت الحايمة واجت فوق النايمة

-عيش يا قديش تيطلع الحشيش

-اجاك يا بلوط مين يعرفك

-ارضينا بالبين والبين ما رضي فينا

-جاجة حفرت على راسها عفرت

-طب الجرة على شفتها بتطلع البنت لعمتها

-اللي بدري بدري واللي بدريش بقول كف عدس

-الطول طول النخلة والعقل عقل سخلة

-طويل وهبيل

-الطويل في السما نجمة والقصير في الارض فجلة

-طلع من البليلا بدون حمص

-بتحط في عبها وبتف من فمها

-شحاد ومشرط

-وين ذانك يا اجحا

-يا بطخويا بكسر مخه

-يا ماخد القرد على ماله راح المال وضل القرد على حاله

-يلقبك للشرشوحه مرجوحه ولا ابو بريص قبقاب

ارجو ان تعجبكم هذه الامثال التي تشكل جزء من تراث بلادي
تحياتي

مشكوووووووووور

تحياتي ........
أهلاوي باشا

شكرا أخت ريال لوف
الموضوع فعلا مميز

تحياتي,,,,,,,,,,,,,,,,,,,,
الفرعون

شكرا

ريل لف

شكرا عالموضوع الجميل

مشكورين على مروركم الجميل