حمد العامري مكتووبه

موضوع: حمد العامري مكتووبه 26/10/2007, 6:59 am

[size=18] [center][size=24]

(1)

لايق عليك

.
لايق عليك الحسن والزين
متميز بالوصف فتان
تذبحني النظرة من العين
واموت انا في بحر الاعيان
مرفوع راسك عن زلة الشين
حاشا ولا بك اي نقصان
اسمك وحرفك دايم يزين
سيد على لاريم الأوطان
مالك شبه سيد المزايين
الغر لي بك عود رويان
شفت البدر من نورك يبين
شفت الدهر في خدك الوان
أنت الغلا بد الملايين
في خاطري يا اعز انسان
روحي وروحك صدق روحين
في جسم واحد طول الأزمان

(2)

الله عطانا خير وو انعام

.
.
الله عطـانا خير وانعام
والحمـدله واجـب عـلينا
ياللي عطانا إيمان وإلهام
ومن فضله الضافي عطينا
واليوم صـارت جنة احلام
تزخر بفل ويالسـمينا
دام الوطن تخطيط وانـظام
زان وتزخرف وبه بهينا
دولـة تـطور عز وأسـلام
وبين الأمم دوله بنينا
والشـعب متـهني بالأنعام
ومرتاح في هذه السنينا
هذه جـهود أعـوام وأعـوام
ونسعـى لـمجد له بنينا
شامخ وفيــه إترف الأعـلام
ونسعى لصـلح المـسلمينا
ننـبذ لذي واشـي ونمام
ونترك كلام الواشـيينا
الله عـطانا خـــير وأنعـام
والحـمدله واجـب علينا

(3)

سلمت قلبي

سلمت قلبي لشخصك كنت بـك واثـق
لين اكتشفت انها من أكبـر أغلاطـي
الله يا ما اصعب الغلطه علـى الحـاذق
صدمـه عظيمـه تسـبـب هــم واحـبـاط
تخفي نوايا الغدر في وجهك الشارق
يا بحر ما فيك لا مركـب ولا شاطـي
هـذا وانـا قـبـل أعـرفـك أسـعـف الغارق
واشوف نفسي مشيت بدربك الواطـي
نجم المحبه لظى بجـو العشـق طـارق
نجم تلاشى وعـن جـوي ثـره خاطـي
أنـا بـدوي فـرح مـن شوفـه الـبـارق
حب الحيا في ضميـري دايـم ساطـي
أغرى بي البرق وانا في الأمل عالق
والواقع يحـط فـوق حروفـي نقاطـي
حلمـي تبخـر بواهـج غـدرك الحـارق
وترى الوفا ما خلق في كل الاوساط
أقولـهـا لــك وانــا متمـكـن وواثـــق
إبعد وفـارق أنـا مـا اكـرر أغلاطـي

(4)

ياسعيد

منهو الذي ذليت لأجله يا سعيد ثم ذا اليوم خلاك
صابك بسهمه حين غفله وبعد الوفا والود عاداك
غرٍ خذاك بطيش عقله من هول حبه ياك ما ياك
كم عاشقن دمعه يهله حاله في درب الحب شرواك
دروب همن هب سهله وانته كبيرٍ دوم معناك
دامه بعيد عنك خلّه لا تحسب حسابه بدنياك
لا شك به مليون مثله ابشر بغيره كان خلاك
منهو الذي ذليت لأجله يا سعيد ثم ذا اليوم خلاك

(5)

تشره و تزعل

تشره على قلبي وتزعل .. تشره وتزعل ليش ياشوق .؟!
وحدك بقلبي وإنت الأول .. غيرك أبد ماشوف معشوق
غيرك أمله وإنت ماأمل .. فكري مديم بشوفك يروق
أرجوك يازعلان تسأل .. سهره بدونك مالها ذوق
أقعد لوحدي وأترك الكل .. موجود بس الفكر مسروق
كلي أمل تعطي وتوصل .. والحبل بك يحلا يامرموق
البعد خله يالغلا وطل .. فرح فؤاد لشوفك يتوق
حليو من فرقاك ممحل .. ضايق وقلبي منه مخنوق ]
أرجوك قبل الليل يرحل .. من قبل تاك الشمس بشروق
تعال خل الحبل يكمل .. يابو شعر ع المتن مطلوق

(6)

غـــزال

غزال كل ما حاولت اشوفه .. طويل الطول من دونه غشاني
يتابعني بعينن كن هدبها .. حرابن في ملاقات السناني
نعيمن ناعمن لكن عوده كما عودن لدين الخيزراني
احب مشاهده والقرب منه .. لكن سلم العرب منه حداني

غزالك يا سليل اهل المعاني .. جعل قلبك من فراقه يعاني
وعنا بك يا بو مبارك ب وصله .. وييت لخافقي بالشعر عاني
هلا بك عد ما هلت مخيله .. وثار العشب في ذيج المغاني
وما غنت حمام الراعبيه .. بلحن هيّظ قلوب الغواني

رماني من سهوم العين واقفا .. عليه الوصف من ولد الدماني
ابا وصله ولكن وين وصله .. اذا عزت على النفس الاماني
فلا بعد المسافه لي منعني .. ولكن عزت النفس ومكاني
اذا هو من حشام الناس واثرى .. عليه يقال ولا يقول شاني

(7)

تزعل و اراضيك

تزعل وأنا اللي منك زعلان
تقسى وتجرح قلب مغليك
غالي معي لو كان لي كان
متعودن تزعل واراضيك
إن كنت ناوي الصد يفلان
الروح في بعدك تناديك
وإن ييتني من حب ضميان
بسقيك من حبي وبرويك
يالسولعي يا دعج للعيان
ربي جمال الحور معطيك
حس وجمال وقد فتان
في هيبتك منهو يجاريك
سبحان من صورك سبحان
كن الحسن مملوك في ايديك
لوهو انخلق شرواك انسان
لا محتوى طيبت معانيك
آعاتبك والقلب ولهان
رغم العتب مقدر اجافيك
خلك معي والحب سلطان
محدن بهالدنيا يماريك

( Cool

واجب علي

واجب علية اهجرك وانساك
دام الزمن أصبح ينسيك

ياما بكت عيني على فرقاك
من الوله والشوق تبكيك

ايام عمري ضاعت وياك
واكبر خساره وفيت انا فيك

خلك مع الي بحبه اكساك
سر في طريق الي بيرضيك

قلبي نسى حبك وذكراك
وغيرك خليجي يعاضني فيك

(9)

أحبك

أحبك لو بعيد الدار عنك
جداك أيحن قلبي للرجوعي
يلو عني الليالي يبعدنك
غلاك بخافقي تحت الضلوعي
إذا مرت لي الذكرى احتونك
أحاسيسي وفكري لك خضوعي
يلو أخطيت بأموابي يانك
يفز القلب لك من دون طوعي
يحليك الجمال وصغر سنك
فلا يوجد على شرواك نوعي
خفيف الدم ويلي آه منك
ترى شوفك ينورلي شموعي
بك الأوصاف ربي مكملنك
جما وخلق والطبع السنوعي
عسى الأيام من يقربنك
فلا يبقى ل هالفرقى رجوعي

(10)

لا تقول احبك

لا تقول احبك وانت كذاب
يلي نويت اتخون غاليك
صديت ياالقاسي بلاسباب
والله على فعليك يجازيك
كنت احسبك من عز الأحباب
من صادق الاحساس معطيك
لاكن خسارة ضني اخاب
يوم اني بالحب شاريك
فتحتلك في قلبي ابواب
واجزيتني بالصد وشفيك
مايفيد فيك اللوم وعتاب
لاعاد تطريلي لياليك
يا كم من متلوع الارقاب
هايم على حبي يهنيك
ليه انتظر من شخصي اعجاب
يقوللي حاضر ولبيك

(11)

سود الهدب

سود الهدب ودعاجي اناجي حلو الصبى مزيون ..
شوفه لذيذ علاجي للشاجي والمعظلات اتهون
لابس بحسنه تاجي والتاجي ظافي على المتون
سامي سماه و راجي بمزاجي والقلب به مفتون
قصدي بحبه امواجي والباجي خليتهم من دون
لو كان بي متفاجي له هاجي الاحساس لي مرهون
يا ربي لك محتاجي فراجي للهم لي مخزون ..
هم(ن) و انا هب لاجي احجاجي كانه الدهر فرعون

(12)

الدمعة

كنت اظن هالدمعة اللي وسط عيني
وانت رايح جت معايا تودعك
لين طاحت مني كلها ما تبيني
من غلاتك ودها ترحل معك
هذا قلبي هذي عيني ذي سنيني
ما يبونك ترحل وكيف أقنعك

حتى روحي واقفة بينك وبيني
لا هي عندي ولا هي تقدر تمنعك
خذتني كلي انا وش باقي فيني
خايف أوقف وألقى ظلي يتبعك
روح وسافر بس طلبتك يا ضنيني
عالأقل لو ما أشوفك أسمعك

روح وسافر بس توعدني تجيني
وانت سالم للي ينطر مرجعك
اما عني روح ولي رب يعيني
والله يعلم كيف حال مودعك
صرت أحسد من كثر شوقي وحنيني
حتى هذا الخاتم اللي فاصبعك.....

(13)

مقدر اجامل

مسمووح ابعد عن هواي
مقدر أجامل وأخدعك
اسمحلي لو تلقى ســـواي
غيري ترى ما ينفعك
ضنيت بك شوقي ورجــاي
والعمر أقضي به معاك
والغالي يرخص لك معـاي
حسبي على من دلعك
ودك تمــــادى فـي جفــــاي
قصدك فوادي يتبعك
يا ما تمـــاديـــت بعطـــــاي
ويا ما جبرته يتبعك
روح ابتعد وانسـى عنـــاي
وأترك عداب مولعك
مسمووح ابعد عن هــواي
مقدر أجامل وأخدعك

(14)

الهم

ياويل يامن زاد بالهم يبات ليله بحسراتي

بايت سهير و الليل خيم و العين تذرف بعبراتي

حب الحبيب سمني سم يا حمد العمر باقي

محلاه لي منه تبسم حلو المحيّا و الصفاتي

أنا بحبه صرت ملزم و آون ونات المماتي

وين الذي يتيم مغرم يشفي حروج دامياتي

خلي بحالي ما ترحم ظالم و يسعى في شتاتي

ياليت مع هالشمل و اهنا بقربه في حياتي

(15)

شمعة عمري

شمعة عمري وليلة عيد وردية
والعمر يحلى بفطامي ومهاري
شمعة عمري وليلة عيد وردية
وأحلام قلبي وضحكة ليل قماري
مهرة هدية هداها خالقي ليا
في وقتها في حياتي صارت نقماري
فطامي تطفي الوله كل مشتعل ضيا
ويعود بي يشتعل لو شفت مهاري
وأضمهن كلهن في الصدر في ايديّا
واقرا واسمي عليهن وأشكر الباري
إن قلت منهو حبيبي يصرخن بيا
كل وحدة تقول أنا بهم داري
وأقول أنا يالغلا لاأنتي ولا هيا
كلكن حياتي وعمري وجنة أزهاري
كل مـا ينــادين يا بابـا يكتبن فيا
عمر جديد ويضون باقي أنواري
فيهن غرست الغلا وأحلام وردية
والعمر يحلى بفــــطامــي ومــــهــاري

(16)

يــا علي

ياعلي اللي سباني شخص غالي له غلا
هو عويد البال متميز له الخصر الهضيم
لي سلب روحي وقلبي والحشا منه ابتلا
شط بي واتعالي معلل ومن وقته سقيم
يا هلا يا بومحمد مرحبا بك يا هلا
يا سنادي صرت شعر مثل ما الدر النظيم
سالبنك ناهبنك من تميز بالحلا
ايّ من يذبح ما خلا نجمه مثله وفي شكله عديم
لو بغيت أسلا وداده عنه ابعد ما سلا
وش حياة القلب لي فارق موده له نديم
من جماله يا علي حتى البدر منه اخجلا
ميزه بالحسن رب الكون خلاق العظيم
كيف تسلا وسالبنك اللي وصفته معزلا
كيف ألومك دام ذا وصفه وفي شكله وسيم
إسال اللي بالهوى مجرب ودربه مشكلا
راعيه دايم في فضا كونه يا بومحمد يهيم
يوم أشوفك في من صدري ومن كوني انجلا
ومن تباعد ياب لي ذكراه بعده عن النسيم
ضايع ٍ له ومن غلاته ودوم مده له ولا
وافي ٍ عندي وفي شبّه مضيع له لزيم
الصبر منك وسايس له وقرب واختلا
ما يفيد اللد اني ماهدا تفكير ٍ سليم
توصله يا بو محمد وانت تقدر توصله
والصقر لي هدّ يوصل وانت صقار ٍ فهيم

(17)

مـــا فــــــــاز

ما فاز قلبي فيك ما فاز
خسران من كثر القطاعة
والطيف عن عيني فلا خاز
سرحان في وسط الجماعة

لك في خفايا الروح برواز
حبك ولا يمكن ضياعة
و عنك المتيم مول ما ياز
اصبر ولا عندي استطاعة

كلما عذلته عاند حاز
من اجل عينيك اندفاعة
اسرار حبي فيك والغاز
و اخفي عن العاذل سماعة

يا من على كل الغلا حاز
لا تستمع قول او اشاعة
يمتاز من الخفرات يمتاز
بدر تعلى بارتفاعه

(18)

كل ما اتصلت

كل متصلك قلت مشغول الي متى هذا التغلي...

ان كان باب الوصل مقفول أرجوك صارحني وقلي...

خليتني حاير ومذهول الله يعلم وش حصلي...

قول بصراحه يالغلا قول حالي تعب والقلب ملي...

حبيت شخصك حب مذبول حبن حقيقي مب تسلي...

أشوف مالك صوبي ميول ودموع عيني لك تهلي...

لول معي ع الخط عطول لو متصلك تتصلي...

معقول تبغي البعد معقول من عقب منت صاحبن لي...

ان كان ناوي الصد باقول ابعد حبيبي عن محلي...

(19)

بحور السبع

مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
شفت دانه في وسط دانه .. .. في بحور السبع ممشاها
هو حمد الروح ولهانه .. .. شفقةٍ في شوف روياها

مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها

يا وطن كردووس قيفانه .. .. يت على كيفه وغناها
يشتكي مالحب والوانه .. .. والهنوف وكم عاناها
لي نظرها ضاع برهانه .. .. والمحالم حالي انساها
والعيون السود فتانه .. .. والخدود ورد محلاها

مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها

والهوى يا قبر شيطانه .. .. كم عيونٍ مر و اعماها
صاحبك يا صاحبي عانه .. .. ماقدر يوصف مزاياها
والعجب في دوس حيانه .. .. والهلاك بجمر شفاها
والشعر لي يكسي امتانه .. .. كنه جنحٍ ليل يغشاها

مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها

ان بغيت العود رويانه .. .. وان بغيت الحسن وياها
وان بغيت العين سكرانه .. .. شوف ناصر من ضحاياها
والشعر لي يكسي امتانه .. .. كنه جنحٍ ليل يغشاها
لان رب البيت سبحانه .. .. عـ بنات الحور بداها

مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها

الشعر والليل خلانه .. .. والنفس جاتك من اقصاها
والختامه اقول سبحانه .. .. ربنا عالحــور بــداها
شفت دانه في وسط دانه .. .. في بحور السبع ممشاها
هو حمد الروح ولهانه .. .. شفقةٍ في شوف روياها

(20)

أعــــــــــذار

ليتني عرفتك بأول العمر بدري .. وشبعت عيني بالنظر من محياك
نادم على الي راح من وقت عمري .. الي قظيته دون صوتك ونجواك
أشقيتني بمعانقة حب عذري .. ليت الخيال الي يلمك معي جاك
الوقت يتحكم بعذرك وعذري .. والشوق لي خذني بعشقك وداك
أمسي وتفكيري مع الشوق يسري .. يسري الى جده متيم بروياك
أشغلتني وشغلت قلبي وفكري .. ولا أشوف فوق الكون غيرك ولا ألقاك
أحيا وعيش العمر والعمر يجني .. وأن كان فوق عمره عشته برجواك
زاد الغرام وفاظ بالحب نهري .. أظم الظماير وأنته السيل وسقاك
تدري ولو ماتنظر الحال تدري .. ان الهوى ومطاول البعد هلاك
ليتني عرفتك بأول العمر بدري .. وشبعت عيني بالنظر من محياك

(21)

دايــــــــن

داين و من حقي أدينك
يا مسهر عيني خيالك
كلما اتصلت وقلت وينك
ترد روحي باتصالك

لاقي بيميني في يمينك
بحس تأثير انفعالك
هل أعتبر روحي ظنينك
و ان ياز لك خذني حلالك

لا تاخذك مني سنينك
وأموت ظامي دون يالك
غذ المشاعر من حنينك
مشاعري كلهن فدالك

دام الوفا بيني و بينك
هونك على قلب صفالك
طاغي على مغرمك زينك
خالقك أبدع في جمالك

غار الغصن من قد لينك
ويحق لك رقة دلالك
بموت أنا في رمش عينك
و من ناظرك لا شك هالك

(22)

وين شفته

شفته ولا ادري شحلبي
مشي القطا وعين الظبي
في وين شفته يا حمد؟
شفته أنا في بوظبي

يمشي بخفه و إعتدال
لالا بشر لال غزال
أوصفه لا والله محال
ماله شبيه صويحبي

في وجنته لون الزهر
والنحل يجني من الثغر
ماصار مثله فالبشر
عقب الغواني ما أبي

سلم و ظيعت الكلام
و من شاف حسنه ما يلام
شوفه مثل حلم المنام
هو صار قوتي و مشربي

(23)

انت حلمي

انته حلمي إلي تمنيته بس ليتك أتحس بحساسي
يوم حبك تاج حطيته و أرتفع قدرك على راسي

الوفاه و الطيب راعيته شخصك السامي قدع ياسي
ليش درب الحب خليته صار قلبك كالصخر قاسي

أنت لي في الناس خصيته يا فريدن بين الأجانسي
يوم لي تبغي سويته هو واجب منك يا ناسي

أنت لي في الناس خصيته يا فريدن بين الأجانسي
يوم لي تبغي سويته هو واجب تهجر و ناسي

سهم طرف في هرميته جارحني بين الأغلاسي
لو كتمت الحال و أخفيت ما تغبى نور الأشماسي

(24)

دانــــــــــة

دانتن بالصيب مشهوره لبها لوصفها هميره
رايعه بالحسن و الصوره لشرها نوره و أقماره

ليجها من بيض و نهوره كودرا صاير من أنهاره
الشفايف نرجس زهوره و الخدود ضروب باأنواره

خصراها ناحل و مخصوره نايفن و العود مسياره
و الشعر ناشل بديجوره و من سواده ضيع أنهاره

تيهت ليشاف منظوره ضيعت المسلك و مصداره
قلت في ميره و لا نور و هاجسي غنه على أوتاره

(25)

وصفة الحب

يا وصفة الحب يا دكتوري و طبي
يا راحة النفس في دنياي بأكملها
يا كبر حظي إن حقق مطلبي ربي
ملكت دنياي آخرها مع أولهــــــا

أكتم هوايا عن العذال و مغبي
يا كره نفسي لعذال تعاذلهــــا
أخفض جناح المحبة طوع و ملبي
و كل الصعايب لجل عينك أذللها

محبوب قلبي يماشيني على دربي
و نفسي على درب محبوبي أميلها
يا نور عيني ترفق لا اتلاعب بـــــي
يا حايز أحلى الوصوف و ماخذ أجملها

بعيونك السود تتجنى على قلبي
و سود المدامع زهت لو ما تكحلها
و انته هوايا و روحي و انته محبي
و غيرك عديل لروحي ما يعادلها

(26)

من محبتنا

من محبتنا لزايد ودي أناديك بسمه

ذا محمد شبل زايد ناهجن من نهج علمه

هو ولي العهد قايد سالك دروبه ورسمه

نظرته صوب البعايد وراحة شعوبه تهمه

كلها أوصافه فرايد دين واخلاقن وحكمه

ذخرنا وقت الشدايد والصعيبات المهمة

لك على العليا عوايد بك يشد الشعب عزمه

يا محمد يابن زايد دمت للإسلام رحمه

(27)

اسم على مسمى

اسمن على مسمى يا منصور اسمن سمابك انته بالذات

بك وصف زايد منبع النور شيخن بنى السبع الإمارات

للفخر عز وللوفى سور ترفع براس المجد رايات

كل من عجز يوصلك معذور لك موقعن فوق المجرات

من طيبك أمسى الطيب مشهور والجود عنك قيل وبات

والخير من يمناك منظور يا بو الشهامة والمروات

قلب الوطن صار بك مسرور لك يبتسم سعد ومسرات

يا فخرنا يا الشيخ منصور بك تفتخر كل الإمارات

(28)

أصفر عفر

شفته وفي شوفه فتني ياني صدف من غير ميعاد

أسهام عينه صوبني كنه طليب الحق قصاد

شل العقل والفكر عني قفى خفوقي لجله انقاد

أصفر عفر ومجنني كنه أميري وسيد لسياد

شعرن طويل وعاجبني يشبه عتيم الليل بسواد

شبه المها وعين الدمني وخدن تحلى بورد بغداد

خذ ما تبا يا مسهرني لا تستمع واشي وحساد

كل المشاعر لك تغني يا من جمالك اسر بلاد

(29)

مليك الفؤاد

والله إني أحبه وحيل مولع به وانه اللي تمكن وسط لفوادي

كم ليله سهرت ومنه السبة وعفت ذوق الشراب ولذة الزادي

كاملن بالجمال وكمله ربه هو مليك الفواد وغاية مرادي

سحره اللي يتل القلب من لبه اشهد انه سحرني زد لعبادي

بس ليته ترفق ما قسا قلبه ولا تعمد عليه صد وعنادي

لك شعور المحبه لا تلاعبه ولا تسمع حبيبي قول حسادي

(30)

ليش تزعل فديتك

ليش تزعل فديتك وانت غالي علينا.....
ماخذ القلب بيتك يالغلا من سنينا...
للتراضي رجيتك رجوه المشفقينا...
وانت فالناس صيتك تسامح المذنبينا....
كم طلبت وعطيتك من فوادن وعينا....
يالغظي ومانسيتك حاضرن دوم فينا...
خذ حياتي نصيتك فوق راح اليمينا...
فدوه لرمش عينك لك به نرد دينا...
يامنى النفس وينك صوبنا يالضنينا...
نذرنن يوم ريتك بصوملك اشهرينا...-

(31)

الرمش اريشا

الرمش أريشا

بالعيون السود والرمش أريشا
أرسلك ربي لخفاقي عذاب
لا حشا مالي بهوا غيرك حشا
الغدير العذب منت بالسراب

بي نشا ودك وبه قلبي انتشا
دونكم ما بين غربة واغتراب
ساقني شوقي لكم سوق الرشا
و كما سوق الروا يحلى السحاب

يلعب بفكر المولع ما يشا
والخيال يداعب حرف الجواب
غاشيني في بحورك ما غشا
العامري مجنون ليلى به وذاب

فيك ماسمع قول وشاي وشا
منك قلبي دايم بروح الشباب
ارتشى قلبي من عيون الرشا
وانخدع يالين ضاق بهالرحاب

موضوع: رد: حمد العامري مكتووبه 27/10/2007, 9:02 pm

شكرا أخوي

موضوع: رد: حمد العامري مكتووبه 29/10/2007, 7:22 pm

مشكووووووووووووور

تحياتي......
عاشق الجوارح

موضوع: رد: حمد العامري مكتووبه 2/11/2007, 5:54 am

شكرا .................

تحياتي...................

$القنصل الصغير$.....................................

موضوع: رد: حمد العامري مكتووبه 9/11/2007, 4:01 pm

thank you

(((---black_fox---)))

موضوع: رد: حمد العامري مكتووبه 9/11/2007, 9:39 pm

مشكور اخي
تقبل مروري ^_*

موضوع: رد: حمد العامري مكتووبه 18/2/2008, 3:10 am


مشكور اخي

موضوع: رد: حمد العامري مكتووبه 18/2/2008, 3:13 am

شكرا .................

تحياتي...................

ملك روما Evil or Very Mad

.....................................

موضوع: رد: حمد العامري مكتووبه 18/2/2008, 3:14 am

مشكوووووووووووووووووووووووررررررررررررررررررررررررررررررر

عدل سابقا من قبل في 18/2/2008, 4:17 pm عدل 1 مرات

مشكوووووووووووووووووووووووووووووووووووووووووووووووووووووووووور
على القصيدة الشعرية
يا الأحبابي

تحياتي::::::::::::::::::""""""""""""""""
الفيصل أحمد

موضوع: رد: حمد العامري مكتووبه 18/2/2008, 4:13 pm

القصيدة وله طويلة مره
لكنها ولله حلوة
ياالأحبابي

تحياااااااااااااااااااااااااااااااااااااااااااااااااتي::::::::::::::::::::::::::::::::::::::::::::؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الفيصل أحمد

موضوع: رد: حمد العامري مكتووبه 14/3/2008, 10:09 pm

مشكووووووووووووووووور مع تحيات الميت االحي

» اغاني حمد العامري:
» اغاني حربي العامري