في حضني راح؟؟؟

موضوع: في حضني راح؟؟؟ 26/10/2007, 4:23 am

ما ادري لو سمعتوا هذي القصة من قبل ولا لأ
بس هذي القصة صارت مع وحدة من ربعي

في يوم عادي مثل كل يوم .. كان الكل قاعد في الصالة يسولفون ويضحكون ..!!

وفجأة دش اخوهم .. و كان ويهه تعبان .. فسألوه ايش بلاك ؟؟

قالهم ... راسي يعورني وابي ارقد ... خذت بندول من شوي بيروح العوار ان شاءالله

قعد اهوه عند اخته .. وقالت له تعال انسدح في حضني ..قال انزين

قامت تلعب في شعرة وتمشطه ... قلت له شعرك في قشرة ..

وقاموا كلهم يتكلمون عن القشرة ويرتهم السوالف

شافت الاخت انه اخوها سكت .. جافته مغمض عيونه .. قامت ابتسمت .. وقالت ..

يا حليلك تعبان واايد ورقدت ...

شوي الا الكل قام عشان يصلون الظهر ... عاد اخته قامت اطالع اخوها وتقوله

يا فلان قوم يلا عاد قوم قلنا تعبان بس قوم ابي اروح اصلي انته بعد لازم اتصلي

ما رد ... يكلمونه ويكلمونه ما في فايده .. اسمعتهم الام .. قالت ولدي قوم قوم

اممسكت يدة بيد .. وحطت يدها الثانية على خشمه لقت انه ما يتنفس ولا فيه نبض

واهو كان عده في حضن اخته .. اخته قعدت اطالعه .. امي تتمصخرين اهو بس راقد .. اشدعوه ما يصير .. توه كان يسولف معانا

امتلئت عيونها بالدموع .. وقالت .. يعني اهوه خلاص راح راح ..

في حضني انا راح